Тэрыторыі
важныя
для птушак

Код:

BY055

Геаграфічныя каардынаты:

52°46.57' N 25°47.56

Адміністрацыйная прыналежнасць:

Брэсцкая вобласць: Івацэвіцкі раён, Ляхавіцкі раён

Плошча:

2594 га

Крытэрыі:

A1

Нацыянальны прыродаахоўны статус:

Паўднёвая частка Ландшафтны заказнік рэспубліканскага значэння «Выганашчанскае»

Міжнародны прыродаахоўны статус:

ТВП міжнароднай значнасці

Карта ТВП:

Агульнае апісанне:

ТВП "Пойма Шчары" утворана ў 2012 г. Знаходзіцца ў 3 км на поўнач ад воз. Выганашчанскае. Паўднёвая частка ТВП уваходзіць у склад ландшафтнага заказніка рэспубліканскага значэння “Выганашчанскае”.

Тэрыторыя ТВП уключае поплавы р. Шчара, а таксама меліарыраванныя угодзі, якія слаба выкарыстоўваюцца. Рака Шчара не каналізавана, захавалася ў натуральным стане. У межах ТВП працягласць ракі больш за 20 км. Рэчышча звілістае, шырынёй да 20 м. Берагі нізкія, пераважна тарфяністыя. Праз Агінскі канал злучаеца з воз. Выганашчанскае. Акрамя таго, Агінскі канал праз Шчару і Ясельду злучае басейны Балтыцкага і Чорнага мораў.

Менавіта поймавыя адчыненыя лугі Шчары, захаваўшыяся ў натуральным стане, з’яўляюцца найбольш каштоўнымі біятопамі гэтай ТВП, як месца гнездавання глабальна пагражаемага віду вяртлявай чаротаукі Acrocephalus paludicola і месца харчавання яшчэ аднаго глабальна пагражаемага віду - вялікага арляца Aquila clanga. Вяртлявая чаротаўка таксама адзначана ў значнай колькасці і на меліярыраванных участках, парослых асокамі.

У межах ТВП адсутнічаюць населеныя пункты, дарожная сетка не развіта. Тэррыторыя выкарыстоўваецца галоўным чынам для сенакашэння на меліярыраванных землях, палявання, рыбнай лоўлі, радзей для турызма.

Асноўныя біятопы:

Натуральная рачная пойма з адчыненымі поплавамі і трысняговымі зараснікамі - 70%, сельгасугоддзі на меліярыраваных землях - 25%, іншае - 5%.

Птушкі:

Склад птушак ТВП "Пойма Шчары" даследаван недастаткова. Аснову арнітафауны складаюць птушкі паплавоў, вадаплаваючыя і каляводныя віды. Падчас веснавой міграцыі на разлівах Шчары адзначаецца значная колькасць розных відаў качак, крычак і кулікоў. У тым ліку качка-лапаноска Anas clypeata, баталён Philomachus pugnax, кулік-случок Tringa totanus, чорная крычка Chlidonias niger, белакрылая крычка Chlidonias leucopterus, белашчокая крычка Chlidonias hybrida і інш.

Відавы і колькасны склад птушак ў вялікай ступені залежыць ад узроўня і працягласці веснавой паводкі Шчары. Так у 2013 г. паводка была вялікая і працяглая, і поплавы выглядалі як вадаёвы. Усе прыдатныя для гнездавання вяртлявай чаротаўкі месцы былі затоплены. Гэты від у 2013 г. тут не адзначаны.

Іншыя групы жывел:

не даследавана.

Стан рэдкіх відаў птушак:

№	Віды	Статус	Колькасць	Год/перыяд ацэнкі	Дакладнасць ацэнкі	Трэнды (2000-2011)	Крытерый ТВП
1	Чапля-бугай	гн	2 с	2010-2013	Д	↔
2	Арлец вялікі	зал	2 ас	2010-2013	П	↔
3	Баталён	мг	200-400 ас	2013	П
4	Чаротаўка вяртлявая	гн	36-40 с	2010	Д	↔	A1

Іншыя рэдкія і знаходзячыеся пад пагрозай знікнення віды:

не даследавана.

Пагрозы:

1. Зарастенне меліярыраванных земляў і поплаваў хмызнякамі. На шматлікіх участках ТВП (як на меліярыраванных, так і натуральных) адзначаеца павелічэнне плошчы хмызнякоў. Гэты вядзе да знікнення месц гнездавання вяртлявай чаротаукі Acrocephalus paludicola і месц харчавання вялікага арляца Aquila clanga.
2. Сенакашэнне у гнездавы перыяд. Пры нізкімузроўне вады на меліярыраванных угоддзях праводзіцца сенакашэнне тэхнікай ў час калі яшчэ гняздзяцца многія віды птушак (у тым ліку і вяртлявая чаротаўка). Гэтая вядзе да гібелі птушанят і кладак.
3. Нестабільнасць узроўню вады.

Рэкамендацыі па захаванню:

неабходна стварэнне плана кіравання ТВП.

Крыніцы інфармацыі:

Блакітная кніга Беларусі (Водныя аб'екты Беларусі). Энцыклапедыя. Мінск, 1994.

Складальнікі :

Левы С.В.

---

* Выкарыстанне змешчанай тут неапублікаванай інфармацыі для навуковых публікацый без пісьмовай згоды яе аўтараў забаронена. У выпадку выкарыстання часткі кантэнту або старонкі цалкам на іншых інтэрнет-рэсурсах, абавязковая спасылка на аўтараў і сайт iba.ptushki.org