Тэрыторыі
важныя
для птушак

Крытэрыі:

B2

Фота:

Даведацца больш пра від:

Кулён вялікі / Numenius arquata

Карта ТВП:

Спіс ТВП:

№	ТВП	Статус	Колькасць	Год/перыяд ацэнкі	Дакладнасць ацэнкі	Трэнды	Крытерый ТВП
1	Альманскія балоты	гн	5-10 п	2005-2010	Э	↓	B2
2	Арэхаўскае	мг	+	2004-2010	П
3	Асвея	гн	5-10 п	2007	Э	↔
4	Балота Ельня	гн	30-35 п	2005-2011	Э
5	Балота Ельня	гн	10-30 п	2005-2011	Э	↓	B2
6	Балота Званец	гн	10-15 п	2010	П	↓	B2
7	Балота Марочна	гн	2-5 п	2010-2011	Э	↓
8	Балота Спораўскае	гн	2-5 п	2007	Э
9	Браслаўскія азёры	гн	20-25 п	2006-2011	Д		B2
10	Бярэзінскі запаведнік	гн	6-7 п	1995	Д	↓
11	Бярэзінскі запаведнік	гн	0 п	1996-2008	Д	↓
12	Выганашчанскія балоты	гн	> 2 п	2010	П
13	Дражбітка-Свіна	гн	5 п	2005-2010	Д
14	Казьяны	гн	10-20 п	2000-2010	Э		B2
15	Лебядзіны мох	гн	+	2005-2010	П
16	Налібоцкая пушча	гн	2-5 п	2004-2011	П
17	Пойма Дняпра Лоеў-Жары	мг	+	2006-2010	П
18	Прыпяцкія балоты	гн	2 п	2011	Д
19	Стары Жадзен	гн	+	2004	П
20	Сялец	гн?	+	2000-2010	П
21	Сярэдняя Прыпяць	гн	10-15 п	2005	Э
22	Тураўскае балонне	мг	+	2006-2011	П
23	Хаваншчына	гн	+	2006-2010	П
24	Чырвоны Бор	гн	+	2005-2010	П

Апісанне віда:

Вялiкая птушка з доўгай, моцна загнутай унiз дзюбай i параўнальна доўгiмi нагамi. На галаве адсутнiчаюць палоскi, але яны добра бачныя на рулявых пры палёце. Маладыя больш светлыя i з карацейшай дзюбай. Голас: павольнае, флейтавае, гучнае «коур-лiк, крвіі, або кру-іі», шлюбны - павольнае «д’юі-дзьюі-трайю», часам павольная кві-кві-кві» . Даўжыня цела 50-70 см, размах крылаў 80-110 см.

Падвіды: N. a. arquata - зах. і цэнтр. Еўропа; N. a. orientalis - паўд.-ўсх. Еўропа і Сібір.

Біятоп: вялікія вільготныя тэрыторыі, вільготныя лугі, часцей за ўсё заліўныя, як натуральныя, так і штучныя (сельскагаспадарчыя), таксама стэпы (паблізу вільготных тэрыторый), дзюны, тарфянікі.

Гняздо: на выступаючай з вады купіне травы альбо асакі (спарадычна на астраўках сярод балот). Высцілка з невялікай колькасці сухой травы або асок і некалькіх пёраў. D = 15-24 см, h = 3-12 см.

Яйкі: звычайна 4 (2-6), грушападобныя, шэра-аліўкавыя, шэра-зеленаватыя альбо папяліста-жоўтыя. Плямы даволі вялікія: глыбокія - шэра-зеленаватыя, паверхневыя – аліўкава-карычневыя або чырванавата-карычневыя. Памеры: 66,5 х 46,5 мм (63,0-71,0 х 44,5-50,0 мм).

Арэал: Еўропа (акрамя Пд і крайняй Пн), шырокай паласой праз Азію да ўсх. Кітая (у зах. Еўропе толькі лакальна).

Пералёты: III-V, VII-IX. У зах. частцы арэала - аселы.

Месца зімовак: зах. Еўропа, басейн Міжземнага м., М. Азія, паўд. ўзбярэжжа Каспійскага м., паўд. Азія і ўсх. Японія, Малайскі арх. і Барнэо, Аравійскі п-аў, узбярэжжы Афрыкі і Мадагаскар.

Беларусь: спарадычна распаўсюджаны, рэдкі пералётны і транзітна мігрыруючы від.