Грыцук вялікі / Limosa limosa

Крытэрыі:

Фота:

Даведацца больш пра від:

Грыцук вялікі / Limosa limosa

Карта ТВП:

Спіс ТВП:

№	ТВП	Статус	Колькасць	Год/перыяд ацэнкі	Дакладнасць ацэнкі	Трэнды	Крытерый ТВП
1	Альманскія балоты	гн	20-50 п	2005-2007	Э		A1
2	Арэхаўскае	гн	10-15 п	2004-2010	Д	↔	A1
3	Асвея	гн	1-2 п	2007	Э
4	Балота Дзікое	гн	20-30 п	2006	Д	↔?	A1
5	Балота Ельня	гн	30-50 п	2005-2011	Э	↔	A1
6	Балота Марочна	гн	2-5 п	2010	Э
7	Балота Спораўскае	гн	5-10 п	2007	Э		A1
8	Белавежская пушча	гн	+	2003-2008	П
9	Браслаўскія азёры	гн	15-20 п	2006-2011	Д	↔	A1
10	Броды	мг	+	мг	П
11	Брыцалавічская пушча	гн	+	2005	П
12	Бярэзіна-Гайна	гн	15-25 п	2009	П	↔	A1
13	Выганашчанскія балоты	гн	2-3 п	2005-2008	П
14	Выдрыца	гн	+	2011	П
15	Гарадзенская Свіслач	гн	5-10 п	2008-2010	Д	↑?	A1
16	Дзівін – Вялікі Лес	гн	10-20 п	2000-2009	Д	↓	A1
17	Лебядзіны мох	гн	+	2005-2010	П
18	Лельчыцкая Убарць	гн	60 п	2004			A1
19	Налібоцкая пушча	гн	2-5 п	2004-2011	П
20	Палескі радыяцыйны запаведнік	гн	5-8 п	2005-2010	Д	↓
21	Пойма Дняпра Лоеў-Жары	гн	+	2006-2010	П
22	Пойма Львы	гн	+	2005-2010	П
23	Пойма Пцічы	гн	+	2003-2010	П
24	Пойма Сожа	гн	20-40 п	2006 - 2012	Э		A1
25	Простыр	гн	10-20 п	2003-2006	Д		A1
26	Прыпяцкія балоты	гн	> 50 п	2011	Э		A1
27	Рака Лясная	гн	50-100 п	2004-2011	Э	↓	A1
28	Рыбгас «Палессе»	мг	402 ас	2008	Д
29	Стары Жадзен	гн	+	2004	П
30	Сялец	мг	+	2000-2010	П
31	Сярэдняя Прыпяць	гн	200-500 п	2005	Э		A1
32	Сярэдняя Прыпяць	мг	5000-10000 ас	2005	Э		A4i
33	Тураўскае балонне	мг	3000-5000 ас	2006-2011	Д	↔	A4i
34	Тураўскае балонне	гн	10-50 п	2006-2011	Д	↔	A1
35	Чырвоны Бор	гн	16-20 п	2010	Э	↔	A1

Апісанне віда:

Доўгая, прамая дзюба, аранжавая каля асновы i з цёмным канцом. Галава i перад цела ў шлюбным уборы карычнева-ржавага колеру, жывот паласаты. У негнездавы час шэры з белым жыватом. Хвост заканчваецца чорнай шырокай паласой, добра бачнай у палёце, на крылах вялiкае белае люстэрка. Голас: вельмi разнастайны: гучнае, крыклiвае «ціу-і-ціу», насавое «квіі-іт», каля гнязда ў палёце «верэцень-верэцень», або «аўдоціа-аўдоціа», або «рііта-рііта-рііта». Даўжыня цела 40-48 см, размах крылаў 68-82 см.

Падвіды: L. l. limosa – большая частка Еўропы; L. l. islandica – Ісландыя, Шатландыя, паўн. Нарвегія; L. l. melanuroides - ізаляваныя папуляцыі ва ўсх. Сібіры, Манголіі, паўн.-ўсх. Кітаі і на Д. Усходзе Расіі.

Біятоп: вільготныя лугі і балоты з купінамі асакі, вільготныя тарфянікі, травяністыя берагі азёр, прыгнечаныя стэпы. Пранікае на сельгастэрыторыі (асабліва на пашы, лугі, вільготныя палі).

Гняздо: у неглыбокай ямцы на выступаючай з вады купіне траў і асок або на культурных лугах на сухіх месцах, часта пад кустом, з бакоў пад прыкрыццем раслін. Чашападобнае, з невялікай колькасці лістоў асок, сцёблаў хвашчу, лісця або іншай расліннасці. У выключных выпадках гнёзды размяшчае на плыткай вадзе (глыбінёй 10 - 20 см), і яны ў выглядзе стажка са шчыльна ўкладзенага матэрыялу. D = 15-20 см, h = 2-7 см.

Яйкі: 3-4 (часам 5), авальныя або грушападобныя, аліўкава-зеленаватыя, аліўкава-бурыя альбо аліўкава-жоўтыя, часам цёмна-карычневыя. Глыбокія плямкі шэравата-карычневыя, паверхневыя – (даволі вялікія) карычневыя альбо аліўкава-карычневыя, звычайна іх крыху больш на шырокім канцы. Памеры: 54,0 х 38,0 мм (48,5-60,0 х 34,0-41,0 мм).

Арэал: Ісландыя, лакальна зах. Еўропа і ад цэнтр. і ўсх. Еўропы паласой праз Азію да Сахаліна і Камчаткі.

Пералёты: (ІІ) III-IV, VII-IX (Х).

Месца зімовак: у Еўропе - міжземнаморскія краіны, М. Азія, Месапатамія, паўд.-ўсх. Азія, Філіпіны, Малайскі арх., Аўстралія, паўн. і экватарыяльная Афрыка.

Беларусь: нешматлікі, але яшчэ месцамі звычайны пералётны і транзітна мігрыруючы від.